Textus Originalis

XCIV ARGUMENTUM LIB. IV.

Cap. Victo Eurystheo Heraclidae duce Hyllo Peloponnesum et Mycenarum regnum recuperare parant. Hyllo in singulari certamine caeso Heraclidae ad quinquaginta annos regno et Peloponneso exclusi redeunt Tricorythum. Tlepolemus occupat Rhodum. 59. Thesei genus. Coryneten, Sinin, aprum Crommyonensem, Scironem, Cercyonem, Procrusten superat. Marathonium taurum domat. 60. Fabula de Minotauro. Cretae historia et regum Cretensium recensus. Androgeos Minois filius per insidias ab Aegeo Atheniensium rege interemptus. 61. Attica a Minoe bello et fame pressa. Oraculo iussi Athenienses poenam dant septem pueros puellasque Minotauro proiciendos. Theseus Ariadnae ope Minotaurum occidit. Ariadne in insula Naxo a Baccho rapta, Aegeus nigris velis deceptus vitam finit. Succedens Theseus legibus et institutis patriam auget. 62. Phaedra Thesei coniux Hippolytum privignum impuro amore prosequitur. Utriusque interitus. Theseus exul. 63. Theseus et Pirithous rapiunt Helenam. Proserpinam rapturi descendunt ad inferos. 64. Septem ad Thebas. Laius Thebarum rex et Iocasta. Oedipus inscius patrem occidit et aenigmate Sphingis soluto matrem uxorem ducit. 65. Scelere detecto et Oedipo incluso filii regno potiuntur. Polynices a fratre regno pulsus ab Adrasto auxilium impetrat. Septem duces Thebis bellum inferunt. Cadunt omnes praeter Adrastum. 66. Septem ducum filii Epigoni dicti bellum renovant. Thebani victi in agrum Tilphossaeum migrant. Thebae ab Epigonis captae. Daphne Tiresiae filia Delphos missa evasit Sibylla. 67. Thebani deinde alii Doriensium terras occupant, alii redeunt Thebas. — Aeolum et Boeotorum origines. Boeoti proles usque ad bellum Troianum. 68. Aeoli progenies Salmoneus et Tyro: horum posteri usque ad Nestorem et bellum Troianum. 69. Lapitharum genus, ex quo ortus Ixion gignit Centauros. 70. Centaurorum bellum adversus Lapithas horumque reliquiae.