Textus Originalis

I DOCUMENTI INEDITI

abbati regalis monasterij Sancte Marie Nove eiusque successoribus. Thomas eadem gratia regine ecclesie archiepiscopus in perpetuum. Ex fonte karitatis emanat ut ex antiquo fundare ecclesie suisque possessionibus privilegiis stabilite novas et quasi nascentes ecclesias amplectantur et diligant. eisque vel de possessionibus suis adiciant vel honorem impendant. hac itaque consideratione ductus ego iamdictus Thomas dei gratia reginus archiepiscopus grata idonea et spontanea voluntate mea communi etiam consensu et voluntate totius capitulj ipsius regine ecclesie vobis predicto domino Guillelmo eadem gratia regalis monasterij Sacte Marie nove venerabilj abbati et successoribus vestris et ipsi regali monasterio in perpetuum concedo jus benedictionis et totum jus episcopale et quodcumque aliud jus predicta regina ecclesia in monasterio Sancti Salvatoris de mercello quod construxit Iohannes Kalomenus. quondam regius camerarius. et in monasterio monialium Sancti Iohannis exocaliva quod est extra muros civitatis regij. et cellis et obedientiis et possessionibus et tenimentis ac pertinentijs ipsorum monasteriorum hactenus habuisse dinoscitur. nullo iure predicte regine ecclesie vel mihi seu meis successoribus in eisdem manasterijs vel cellis vel obedientiis. et possessionibus eorum aliquatenus reservato. set amodo in antea vos et successores vestri et ipsum regale monasterium perpetuo libere. et sine aliqua contrarietate nostra vel successorum nostrorum seu partis eiusdem regine ecclesie habeatis in ipsis monasterijs scilicet Sancti Salvatoris de mercello et Sacti Iohannis exocaliva. et cellis et obedientiis et omnibus possessionibus eorum jus benedictionis et totum jus episcopale et quodcumque aliud jus in eis ego et predecessores mei et predicta regina ecclesia hactenus dinoscitur habuisse vel in posterum debemus habere. Nec liceai mihi vel successoribus meis aut alicuij pro parte regine ecclesie supradictam concessionem in partem vel in totum infringere vel ei aliquatenus contraire. set vobis et successoribus vestris et iamdicto regali monasterio firma semper integra et illibata permaneat. Si quis autem successorum nostrorum vel aliquis alius pro