Textus Originalis

DELL' EPOCA NORMANNA IN SICILIA

Tabulario cap. di Cefalù, perg. n. 34, di mm. 339 × mm. 330, con linee tirate a secco, distante ciascuna mm. 16. La pergamena comincia col chrismon, e porta il capolettera I in maiuscola elegante. LXXXVI. 1186, 16 Marzo, Ind. IV. Teocrito Mairosini di Chioggia fa testamento dividendo i suoi beni a parecchie chiese di Palermo. In nomine Domini nostri Iesu Christi. Amen. Anno eiusdem incarnacionis MCLXXXVII, decimo sexto die mensis martii, indictionis iv. Regnante serenissimo domino nostro domino rege Willelmo anno XXII regni eius feliciter amen. Ego Teocritus Mairosin de Chioggia filius Gualterii volens, dum vite spatium restet et intellectus non deficit, salubriter saluti anime me providere eo modo quo possum de bonis meis sic dispono. Volo enim ut cadaver meus post obitum meum sepeliatur in nostra ecclesia divi Marci que est in loco Kiralkadii cui lego et iudico tarenos xx pro funere faciendo et pro missa cantanda pro ceris et aliis expensis iuxta morem solitum prestandis. Item judico predicte nostre ecclesie domum unam meam sitam in quarterio s. Antonii iuxta domum Uberti de Berlioni ex uno latere et Simonis de Hasta ex alio latere; hoc tamen pacto ut singulo anno cantetur missa mortuorum et deprecetur altissimo pro salute anime mee, uxoris mee et aliorum parentum meorum, et pro redemptione peccatorum meorum. Insinuo heredes meos Iulium et Mintum filios meos legitimos et naturales natos ex me et Bertucia uxore mea nuper defuncta. Dimicto Aguliam servam meam, cui judico tarenos viginti quinque et omnes arnesios quos habet pro usu suo.