Textus Originalis

I DOCUMENTI INEDITI

tunc nostram voluntatem explorando permisit utrum vellemus nostram ecclesiam cephaludi ecclesie copulare. an ipsam per se existere. Super quo absque quolibet dubietatis nevo in veritate cognoscendo et investigando. ipsa regia maiestas anno incarnationis Dominice M°.C°.XXX°. Indictionis. viii. (a) personaliter ecclesiam nostram adivit. predicta in nostro ponens arbitrio. Nos vero quia in tota sicilie et calabrie provincia canonica religio a nobis specialiter colebatur. tunc fratrum nostrorum coadunato (b) conventu diligenter communicato consilio. in nullo coacti immo potius libera et spontanea voluntate nostra ducti. ecclesiam balnearie cephaludi ecclesie velud matri filiam univimus et copulavimus. et ipsam caput nostre ecclesie fore concessimus. promittentes eidem ecclesie et Jocelino eiusdem ecclesie venerabili electo et omnibus successoribus suis in perpetuum veram obedientiam. sed cum in tempore mei prioratus super his inter confratres nostros altercaretur. quibusdam ex eis qui dum hec acta fuerant nondum fraternitatem nostram adepti fuerant. dissentientibus plurimis vero eorum senioribus gravitate morum et vite honestate predictis predicta confirmantibus. Regalem mansuetudinem in urbe panormi mense aprili indictione nona adivimus ante cuius conspectum causa ista subtiliter et secundum deum ventilata et inquisita. volentes a via veritatis discedere immo ipsam cupientes custodire. prefata vero esse cognoscentes. ego simul et Bernardus cephaludi cellerarius. Ursus. Hubertus. Iohannes de Melito. Johannes de monte alto. Guido. Gualterius. herbertus. Rogerius fratres mei. qui tunc presentes erant manus nostras in manus predicti electi denuo reponentes promisimus nos et confratres et successores nostros in perpetuum vere obedientes existere ecclesie cephaludi. et eidem prememorato electo et omnibus successoribus suis. Et ut hec firma manerent. reversi in domo nostra balnearie. coadunatis reliquis confratribus nostris qui que nos fecimus et ipse personaliter fecerunt. eorum consilio et voluntate presens scriptum per manum confratris mei Danielis et confratrum testimonio et quorumdam vicinorum nostrorum. quorum nomina subscripta sunt confirmari. et bulla