Textus Originalis

LXXX ARGUMENTUM LIB. II.

Cap. 93. Religiosus defunctorum cultus quantum valuerit ad mores formandos. 94. Aegyptiorum legumlatores Mneuis, Sasychis, Sesoosis, Bocchoris, Amasis, Darius. 96. Graeci qui discendi studio in Aegypto peregrinati sunt. Graecorum mythi de inferis ex Aegypto translati. 97. Rerum aliarum exempla ex Aegypto in Graeciam advectarum. 98. Ut legumlatores et philosophi, ita artifices quoque Graecorum Aegyptios imitati sunt. LIB. II. 1. Breviarium primi libri. Asiae historia incipit. Assyriorum primus rex Ninus: delectos iuvenes armat et cum Ariaeo rege Arabiae societatem init. Babyloniam et Armeniam subigit. 2. Totam Asiam intra Tanain et Nilum imperio subicere parat. Domitarum gentium recensus. 3. Ninus urbem ingentem ad Euphratem condere constituit, Ninum appellatam. 4. Semiramis, Dercetun deae filia, a columbis nutrita et a Simma pastore regio educata. 5. Semiramidem Onnes, consilii regii princeps, primo in matrimonio habuerat. Nini admirabilis contra Bactrianos copiarum numerus, comparatus cum aliorum populorum exercitibus. 6. Primus impetus in Bactra, ubi Oxyartes rex sedem habuit, irritus. In Nini castris aderat Onnes eumque secuta Semiramis, cuius consilio et audacia arx tandem capta est. Mulieris et pulchritudinem et virtutem admiratus Ninus cogit maritum ut sibi cedat uxorem. 7. Ninya filius Nini et Semiramidis. Nino mortuo Semiramis succedit. Marito monumentum ponit eiusque opera aemulans Babylonem condere instituit. Urbis magnitudo, muri, turres. 8. Pons Euphrati impositus iungit Babylonem urbem. Regiae in utraque ripa munitae et magnifice ornatae. 9. Regiae cuniculo inter se coniunctae. Beli templum cum specula siderum. Deorum statuae, mensa, vasa aurea.