Textus Originalis

LXXXII ARGUMENTUM LIB. II.

Cap. 25. Tribus proeliis rebelles vincit Sardanapallus. 26. Sardanapallo novae copiae e Bactriana missae. Sed hae interceptae et ad defectionem illectae. Sardanapallus triplici victoria elatus et novae defectionis ignarus ad pristinam ignaviam se convertit. Regii noctu oppressi funduntur. Rex in urbe Nino obsidetur. 27. Sardanapallus in tertium annum obsidione clausus, cum Euphrates facta inundatione muri partem deiecisset, abiecta spe incendio omnia delet et semet ipsum perimit. Arbaces rex declaratur. 28. Arbaces gratum in amicos se praestat. Veniam dat etiam Belesy, qui magnam vim auri sub cinere absconditam fraude ex urbe Nino abstulerat. Nino deleta regni sedes Ecbatana transfertur. 29. De Chaldaeis Babyloniorum sacerdotibus et eruditis. Eorum officia et disciplinae. Comparantur cum Graecorum philosophis. 30. Chaldaeorum doctrina de mundo, deo, providentia. Planetarum et stellarum fixarum systema. 31. Chaldaeorum ex astrologia sumptae praedictiones. De luna et sole et terra. Chronologia infinita. 32. Medorum historia. Discrepant de ea Herodotus et Ctesias. Regum catalogus usque ad Artaeum. 33. Artaei Medorum regis bellum cum Cadusiis. 34. Artynes et Astibaras Medorum reges. Parthi deficiunt ad Sacas. Inde bellum cum Sacis. Sacarum regina Zarina sapientia et virtute nobilissima. Monumentum sepulcrale ei publice consecratum. Aspandas sive Astyages ultimus Medorum rex a Cyro victus: Media Persarum provincia. 35. Indiae situs et magnitudo et fertilitas. 36. Indiae fructus varii. Bis in anno metitur. Agris et agricolis vel ab hoste parcitur. 37. Flumina Indiae, inprimis Ganges et Indus. 38. Indi sunt aborigines. Victus antiquissimus. Bacchus eo duxit exercitum, agri et vini culturam, artes, religiones, leges docuit. 39. Post Bacchum regnum Indiae occupat Hercules eiusque prognati. Omnes homines in India sunt liberi. 40. Populi in India ordines septem: philosophi, agricolae, 41. pastores, artifices, milites, ephori, senatores.