Textus Originalis

ARGUMENTUM LIB. II. LXXXIII

Cap. 42. Elephanti Indici. Advenarum peculiaris tutela. 43. Scytharum historia. Initio gens fuit perexigua ad Araxem. Clarissimus eorum rex Scytha, Iove natus. Scythae filii Palus et Napes. Inde orti Pali et Napae; Sacae, Massagetae, Arimaspi. Sauromatae Scythiam vastant. 44. Anarchia, deinde gynaecocratia apud Scythas. 45. Amazonum origo et prima regina. Themiscyra Amazonum urbs ad ostia Thermodontis. Amazonum res fortiter gestae et victoriae. 46. Amazonum secunda regina magnam Asiae partem expugnat. Herculis adversus Amazones expeditio. Paulatim a vicinis debellatae et exstinctae. Penthesilea ultima Amazonum regina, tempore belli Troiani. 47. Hyperborei. Terrae situs ex Hecataeo. Latona ibi nata ideoque Apollinis cultus praecipuus. Graecis amici. Luna ipsis proxima. Apollinis epiphania et annus Metonis. Imperium est penes Boreadas. 48. Arabes. Regionis situs. Orientem versus Nabataei terram sterilem (Arabiam desertam et Petraeam) incolunt, gens indomita et latrociniis nobilis. Petra ingens, lacus asphaltites, balsamum stirps indigena. 49. Arabia felix. Odores exhalant variae plantae et ipsa terra. 50. Aurum apyrum Arabiae felicis. Pecorum abundantia. Struthocameli. 51. Camelopardales, tragelaphi, bubali, aliae bestiae biformes. 52. Lapides Arabiae felicis: crystallus, smaragdus, beryllia, chrysolithi. Aves versicolores. De generatione huius colorum varietatis per solis calorem. 53. Aliae proprietates rerum orientalium a maiore solis calore. 54. Arabes scenitae sive Pastores meridiem versus. Agricolae et mercatores Syriam versus. Alia pars mare attingens est lacunosa. Abundat elephantis et camelis. 55. Insulae incognitae in Oceano meridionali ab Iambulo descriptae. Iambulus ab Aethiopibus captus pro hostia ad insulam beatam ablegatur. 56. Incolarum huius insulae statura, corporis proprietates, lingua gemina. Caeli temperies mitis, arborum fructus per totum annum.