Textus Originalis

ARGUMENTUM LIB. III. LXXXV

Cap. Aethiopiae describuntur. Damnatorum ad metalla ingens numerus et aerumnosa vita. Operae in metallis singulae. 15. Nationes, quae ad sinum Arabicum ac Trogodyticam et Aethiopiam ad meridiem vel occidentem spectantem habitant: Ichthyophagi. Inculta et horrida eorum vita. Piscandi ratio. 16. Cibos e piscibus et conchis sibi parant. 17. Quadriduum in piscando et edendo consumunt, quinto quoque die aquae immoderato potu se recreant. Vita morborum expers, sed brevis. 18. Gens a sinu Arabico remotior crudis vescitur piscibus, potu caret. Apathia incredibilis. Non lingua sed manibus colloquitur. Cum phocis consortium habet. 19. Habitatio multiplex vel in speluncis vel sub costis balaenarum alga obtectis vel sub contextarum olearum umbraculo vel sub tumulis musci marini. Mortuos proiciunt piscibus. 20. Incolunt nonnulli cavernas praeruptis saxis et mari inclusas, quamobrem aborigines habentur. 21. Chelonophagi. Testudines venandi ratio. Carne et testis utuntur. Cetophagi. 22. Piscandi modus in ora Babyloniae obiecta. 23. Rhizophagi in Aethiopia supra Aegyptum sita. A leonibus infestantur. 24. Hylophagi et Spermatophagi. Horum mores agrestes. 25. Aethiopes Venatores. Venatus ferarum. 26. Aethiopes elephantorum venatores. 27. Aethiopes Simi et Struthophagi; struthionum descriptio. 28. 29. Acridophagi. Locustas capiendi modus et e locustis paratus cibus. Pediculorum morbo conficiuntur. 30. Acridophagis propinqua regio ob magnam phalangiorum et scorpionum vim desolata. 31. Cynamolgi in extremo meridie positi. Boum Indicorum venatio per canes. 32. Trogodytae sive Nomades. Mulieres communes, victus a pecore, quod parentum loco habent. Potus, habitus. Circumcidunt genitalia. 33. Species Trogodytarum Megabari. Peculiaris funerum et proeliorum ratio. Infirmi sponte finiunt vitam aut impune ab aliis interficiuntur.