Textus Originalis

DELL' EPOCA NORMANNA IN SICILIA XLIX.

1169, Novembre 23, Ind. III. Alessandro III, papa, concede a Bosone che sia vescovo di Cefalù e ne conferma i privilegi regi e pontifici. ALEXANDER EPISCOPUS SERVUS SERVORUM DEI VENERABILI FRATRI BOSONI CEPHALUDENSIS ECCLESIE EPISCOPO EIUSQUE SUCCESSORIBUS CANONICE INSTITUENDIS IN P. P. M. = Quoniam sicut rerum gestarum memoria et reverenda sanctorum patruum institutio evidenter declarant semper Sedi apostolice licuit. non solum sedes episcopales de novo in locis idoneis instituere. verum etiam coniunctas disiungere. et disiunctas unire. nos quj ex iniuncto nobis a deo summj pontificatus officio pro universarum statu ecclesiarum debemus quantum deus dederit. sollicite cogitare. Cephaludensem ecclesiam ad cuius regimen nuper, disponente dominio vocatus fuisti. et in episcopum consecratus. pontificalem sedem duximus statuendam. ita quidem quod cathedralis ibidem sedes perpetuis temporibus inviolabiliter observetur. Statuimus etiam. ut quascumque possessiones quecumque bona eadem ecclesia in presentiarum iuste et canonice possidet. aut in futurum concessione pontificum. largitione regum. vel principum. oblatione fidelium. seu aliis iustis modis prestante domino poterit adipisci. firma tibj tuisque successoribus. et illibata permaneant. In quibus hec propriis duximus exprimenda vocabulis. Civitatem ipsam Cephaludensem. sicut a Regibus Sicilie cum omnibus pertinentiis suis predicte ecclesie Cephaludensi concessa est, et suj privilegij munimine roborata. Casale de harsa cum omnibus pertinentiis suis. Casale de Polla cum omnibus pertinenciis suis. Ecclesiam sancte Lucie de Syracusa. cum Casa-