Textus Originalis

I DOCUMENTI INEDITI

rium in anteriori porta Monasterii senem et honestum, quem secundam portam monasterii penitus ingredi non permictemus pro quolibet negotio: sed semper custodiet exteriorem portam Monasterii pro dandis et recipiendis responsis, et semper iacebit extra Monasterium. In mensa Abbatisse singulis diebus apponentur ciste octo panis et vini, et palmentariorum ultra que conventus utitur, et in elemosinis sic expendentur. Prima pro domino nostro gloriosissimo Rege Willelmo, ut Deus exaltet eum et pro regibus terre gloriosiorem faciat et multiplicet annos vite eius in longitudinem dierum. Secunda pro anima domini Regis Willelmi patris eius beate memorie. Tercia pro vobis. Quarta pro anima domine Sice quondam uxoris vestre, bone memorie, cuius consilio Monasterium ipsum a vobis cum devotione fundatum est et dotatum. Quinta pro anima patris vestri. Sexta pro matre vestra, septima pro uxore vestra domina Iudith. Octava pro benedictis filiis vestris. Pro domino autem gloriosissimo rege Willelmo cotidianam et specialem orationem faciemus, et pro ipsius vite longevitate, et incremento salutis in Assumptione beatissime Virginis Marie singulis annis de elemosina ipsius Monasterii scilicet de pane, vino, caseo et legumine centum pauperes nutriamus (e); et postquam annosi temporis felicem consumaverit cursum, eius anniversarium ibidem sollemniter celebrabimus, et pro eius iocunda memoria, et ipsius anime salute singulis annis in eius anniversario debimus pauperibus panes trecentos, et sex barilia vini, et unum cantare casei; et similiter faciemus singulis annis in anniversario domini gloriorissimi Regis Willelmi patris eius beate memorie, de cuius gratie et dono subscriptum casale Carubule vobis collatum fuit. Post decessum quoque domine Margarite gloriose Regine anniversarium eius sollemniter celebrabimus. Anniversarium etiam domini Henrici gloriosi Principis sollemniter celebrabimus. Anniversaria quoque domini magnificentissimi Regis Rogerii pie recondationis et predecessorum eius domini famosissimi ducis Roberti Guiscardi et magni comitis Rogerii (f), sollemniter celebrabimus. Anniversario et predicte domine Sice quondam uxoris vestre