Textus Originalis

DELL'EPOCA NORMANNA IN SICILIA

sexta feria missam celebrent pro anima nostra. Preterea omnes predicti tareni, quos constituimus pro vestimentis et calceamentis et ligamentis, pannis lectorum omnium monialium et pro infirmaria, et tertio misse omnium festivitatum, in quibus duodecim lectiones fiunt, et pro oleo, cera et incenso totius anni pro ecclesie et lampadibus, que stabilite sunt singulis diebus ac noctibus lumen habentes; qui sunt tareni mille trecenti quadraginta, excipiantur de redditibus predicti Casalis Carrubule et predictarum possessionum, quas ipsi Monasterio obtulimus et concessimus; cuius casalis et predictorum possessionum statuti redditus sunt, singulis annis in moneta tareni Sicilie duomilia quatringenti, absque victualibus et vino et aliis redditibus predicti Casalis, et predictarum possessionum. De quibus tarenis datis pro premissis statutis et nominatis expensis et utilitatibus ipsius monasterii, et statutis elemosinis in predictis anniversariis faciendis habeantur et conferant. Statuimus ut quando omnes predicti redditus accipiuntur ita providet et discrete pro omnibus supradictis et statutis expensis et pro aliis ipsius monasterii necessitatibus compartiantur, ut sine querela et absque murmuratione sorores ipsius monasterii servitium Dei possint celebrare, et predicta omnia, que statuimus facienda sine diminutione aliqua compleantur. Interea ad gloriam Dei et Salvatoris nostri Iesu Christi et honorem sanctissime Virginis Marie genitricis, ad decorem ornamenti ipsius monasterii, et ad Divinum officium ibidem celebrandum, hec dona ipsi monasterio obtulimus, videlicet: crucem argenteam ad processionem, que cum pomo et hasta, in qua infigitur, habet libras argenti tres, et uncias tres (d), et aliam crucem parvam de auro in qua est lignum Domini (e), et aliam crucem parvam argenteam. Duos crucifixos argenteos, qui habent libras argenti novem et uncias duas; calices argenteos tres, quorum unus habet unam libram argenti et uncias quatuor, alius habet uncias argenti decem, tertius habet uncias argenti sex; ampullas argenti duas, que habent uncias argenti quinque; baciles argenteos duos, qui habent libram argenti unam et uncias octo; candeleria argentea quatuor, quorum duo