Textus Originalis

I DOCUMENTI INEDITI

Anniversaria similiter domini magnificentissimi regis Rogerii, pie recordationis, et predecessorum eius domini famosissimi ducis Roberti Guiscardi, et magni comitis Rogerii ibidem statuimus ut celebrentur. Ibidem anniversaria predicte domine Sice uxoris nostre, bone memorie, et patris nostri Nicolai et fratrum nostrorum domini Constantini venerabilis quondam Venusini Abbatis, et domini Iohannis Venerabilis quondam Cathaniensis episcopi et domini Ragonis magistri iudicis Surrenti. Et statuimus ut singulis annis, donec nobis vita comes fuerit, in nativitate sante Virginis Marie de elemosina ipsius monasterii, scilicet, de pane, vino et caseo et legumine centum pauperes nutriantur, et post decessum nostri et filiorum nostrorum, matris et sororis nostre, anniversaria nostra similiter celebrentur, et in singulis anniversariis nostris et predicte domine Sice quondam uxoris nostre, bone memorie, patris et matris nostre et filiorum nostrorum, singulis annis dentur pauperibus, de elemosina ipsius monasterii, panes trecenti et sex barrilia vini et de caseo cantare unum; in singulis vero anniversariis predictorum fratrum nostrorum et sororis nostre dentur pauperibus, singulis annis panes ducenti et quatuor barrilia vini, et de caseo cantare medium. Statuimus etiam consilio et ordinatione predicte domine Marocte venerabilis prime Abbatisse, et totius conventus eiusdem monasterii, ut post decessum nostrum singulis septimanis semel in ebdomada, sexta scilicet feria, pro anima nostra missam celebrent et totiescumque missam pro defunctis celebraverint, secunda oratio dicatur pro nobis: Inclina domine, tertia oratio pro anima predicte Sice quoddam uxoris nostre: Quesimus Domine pro tua pietate. Similiter etiam faciant in aliis officiis mortuorum in absoluctione capitali; et singulis diebus dominicis finitis matutinalibus. Himnis eant cum processione ad cimiterium, quod est in ecclesia Sancti Pauli, et faciant ibi commemorationem fidelium defunctorum; in ipsa vero ecclesia Sancti Pauli, in qua est, ipse conventus semper habeat unum sacerdotem grecum, qui ibi cotidie celebret divinum officium pro animabus predictorum gloriosissimorum regum, et omnium fidelium defunctorum, et