Textus Originalis

I DOCUMENTI INEDITI LXII.

1172, Ind. V. Goffredo di Moach, maestro giustiziere in Val di Noto, dirime la controversia circa il sito del Casale detto dei Cosentini. In nomine sancte et individue trinitatis patris et filii et spiritus sancti. Amen. Quoniam que bene et iuste acta sunt. sepius malorum et iniustorum hominum perversione depravantur. necesse est ut scriptis memorie commendentur. et fidelium testium testimoniis tenaciter roborentur. Unde tam presentibus quam futuris presenti inscriptione notum fieri volumus. quod Ego Gaufridus de Moach eo tempore in Valle noti magister iusticiarius. regio precepto et magnatuum curie domini videlicet Gualterii Venerabilis Panormi Archiepiscopi et domini regis familiaris. et domino Mathei vice cancellarii. et domini Henrici comitis Note. perrexi a Syracusia usque ad terminos terre Note cum veteranis et antiquis nominibus Syracusie tam christianis quam sarracenis pro dirimenda et finienda quadam controversia et contencione. que diu fuerat inter homines Note et canonicos cephaludi pro terminis scilicet terre Note et casalis Gerebicii. quod est ecclesie cephaludi. Dicebat siquidem utraque pars terminos suos a parte Syracusie incipere a quodam fonte. qui dicitur fons cusentinorum. qui est in descensu cuiusdam montis. Sed erat contencio inter eos de nomine fontis. Dicebant enim homines Note quemdam fontem superiorem sibi remociore vocari fontem Cosentinorum. canonici vero cephaludi. et homines Gerebicii dicebant alium fontem in descensu Montis inferiorem alio superiore fonte maiorem. et antiquiorem esse et dici fontem Cosentinorum. et ibi divisas terre sue incipere confirmabant. Quod ego Gaufridus de Moach Iusticiarius ita ut canonici cephaludi et homines Gerebicii casalis dicebant verum esse cognoscens testimonio