Textus Originalis

I DOCUMENTI INEDITI

vimus equidem et attentissime prohibemus ut nullus de successoribus nostris aut de panormitano capitulo ab abbate vel fratribus aut monasterio plusquam statutum est de rebus ipsius monasterii quicquam exigere liceat aut quomodolibet extorquere. Ordinem cisterciensem studebitis totis viribus observare in omnibus ecclesiis nostris cappellanos et clericos plene liceat vobis statuere et ammovere. Quotiens locus idem pastore vacaverit sit liberum omnino fratribus secundum ordinis formam personam sibi placitam in pastorem eligere, nullisque de successoribus nostris aut de panormitano capitulo electionem eorum impedire liceat aut aliquatenus disturbare. Cum tamen quem comunis fratrum rationabilisque consensus secundum ordinis vestri formam elegerit panormitanus pontifex, aut cui hoc tempore demandare voluerit, benedicet. Ordines etiam monachorum seu clericorum vestrorum, consecrationes basilicarum sive altarium, crisma, oleum sanctum, oleum infirmirorum sacramentum confirmationis et cetera si qua sunt sacramenta ecclesie a quocumque volueritis de vicinis episcopis suscipietis, denique vos in summa omnem consuetudinem cisterciensis ordinis, omnem institutionem, omne cap)itulu)m omnimodamque libertatem secundum tenorem prememorati privilegii a summo pontifice huic indurti generaliter ordini, vobis concessimus et presenti confirmavimus instrumento. Diligentius annectentes, ut si qua umquam ecclesiastica secularisque persona huius nostre constituit(ionis) paginam sciens contravenire temptaverit, et secundo terciove commonita minime respuerit, excomunicacione subiaceat reumque se sacratissimi corporis et sanguinis Domini tam diu esse cognoscat donec excessum suum digna et sufficienti satisfactione em(en)det; nihilominus eadem pagina perpetuo vobis firma per omnia et inviolabile permanente. Omnibus autem eam servantibus sit pax gaudium et vita eterna. Amen. Datum Panormi anno dominice incarnationis M.°C.° octogesimo octavo mense Ianuarij sexte inditionis, regni vero domini nostri Guillelmi secundi Dei gratia gloriosissimi regis Sicilie, ducatus Apulie et principatus Capue, anno vicesimo secundo feliciter. Amen.