Textus Originalis

I DOCUMENTI INEDITI

ditos regia se extendit comuni pietate protectio speciali quodam favore ad ecclesiarum tutelam et cultum specialius vigilat et intendit. quatinus in eo statu et tranquillitate serventur. ut Deo possint quiete servire et de hiis. que iuste possident calumpniam non formident. Inde est quod cum tu Alexander venerabilis abbas sancte Marie de Ligno venisses panormum et celsitudini nostre devotissime supplicasses ut monasterium ipsum nec non obedientias et res ac tenimenta. que idem monasterium iuste possidet benignitas nostra tibi et successoribus tuis auctoritate regia confirmaret! nos in hac parte peticioni tue. prestantes nostre liberalitatis assensum auctoritatis regie robore tibi tuisque successoribus confirmamus. monasterium ipsum nec non omnes obedientias et res ac tenimenta que idem monasterium in presentiarum iusto noscitur. titulo possidere. Ad huius autem confirmationis nostre memoriam et inviolabile firmamentum presens privilegium nostrum per manus Alexandri nostri notarii scribi et bulla plumbea nostro tipario expressa iussimus roborari. Anno mense ed indictione subscriptis. Datum in urbe Panormi felici per manus Gualterii venerabilis panormitani archiepiscopi et Guillelmi venerabilis archiepiscopi Montis regalensis. Mathei regii vicecancellarii et Bhartolomei venerabilis agrigentini episcopi domini regis familiarum. Anno dominice incarnationis millesimo centesimo octogesimo octavo mense Decembris Indictionis septime; Regni vero domini Guillelmi Dei gratia magnifici et gloriosissimi regis Sicilie ducatus apulie et principatus capue anno vicesimo tercio feliciter amen. Dal Tabul Metrop. Panor. eccl., scaff. 12, perg. n. 48, in transunto 7 Gennaio, 1237. Ho seguito la punteggiatura del transunto.