Textus Originalis

DIODORI BIBLIOTHECAE EPITOME. [LIB. I.]

LIB. I. Cap. 1. Prooemium operis. Historia magistra hominum. 2. Historia patrona virtutum, vindex facinorum, nutrix eloquentiae. 3. Historiam universalem usque ad Diodori aetatem nemo confecit. 4. Primus historiam universalem scribere aggressus Diodorus triginta annorum operam impendit. Operis adiumenta et partitio: primis sex libris continetur fabulosa historia usque ad Troiam captam, sequentibus libris undecim res per orbem gestae ad Alexandri obitum, postremis denique libris viginti tribus facta usque ad Caesaris bellum Gallicum. 5. Chronologica ratio operis. 6. 7. Pars prima mythica incipit. De rerum hominumque ortu. 8. Prima hominum vita rudis et inculta describitur. Usus et necessitas docuit linguam, artes, vitae commoda. 9. Quae gens ortu prima fuerit incertum. 10. Aegyptiorum historia incipit. Cur primi homines in Aegypto provenisse multis videantur. Haec epitome, eis qui indice carent necessaria, omnibus ut spero grata, composita est ab editore Bipontino, quem ad verbum descripsit Dindorf; ipse eam retractavi permultis locis correctis, aliis suppletis aliis contractis, usus saepius breviario Eichstaedti.