Textus Originalis

LXXVI ARGUMENTUM LIB. I.

Cap. 11. Theologia Aegyptiorum. Dii caelestes: Sol et Luna seu Osiris et Isis. 12. Singulis elementis deos praefecere singulos Aegyptii: Iovem, Vulcanum, Demetra sive Terram matrem, Oceanum sive Nilum, Minervam. 13. Dii terrestres caelestibus ex parte cognomines: Sol, Saturnus, Rhea, Iuppiter, Iuno, Vulcanus, Vesta, Mercurius. Saturnus genuit Iovem et Iunonem. Ex his nati quinque dii: Osiris, Isis, Typhon, Apollo, Venus. 14. Osiridis et Isidis merita de genere humano. 15. Osiris, qui Thebas condidisse dicitur, et Isis artium inventoribus favent et agriculturam colunt. 16. Mercurius linguae, litterarum, palaestrae, lyrae, oleae inventor. 17. Osiris genus humanum ad vitam cultiorem perducturus totum orbem cum exercitu peragrat. 18. Osiridis expeditioni intererant filii Anubis et Macedo, tum Pan, Maron, Triptolemus. Primum adit Aethiopiam. Ibi Satyrorum gentem assumit. 19. Fabula de Prometheo et Hercule explanatur. Osiris per Arabiam ad Indos proficiscitur. 20. Osiris Asiam peragrat totam; per Hellespontum in Europam traicit; Thraciam mandat Maroni, Macedoniam Macedoni, Atticam Triptolemo. Reversum in patriam inter deos rettulere Aegyptii. 21. Osiris occisus est a Typhone fratre. Caedem ulta Isis. Collecta corporis frusta sacerdotibus sepelienda traduntur. Ei varia animalia, inprimis Apim et Mneuim consecrant. 22. Isis sola regnat: ipsa quoque post obitum divinis culta honoribus. Osiridis pudenda phalli nomine consecrata: haec Graeci etiam in orgiorum sacris venerantur. 23. Sunt qui auctore Orpheo Osiridem Thebis ex Semele et Iove natum dicant. Graeci plures Aegyptiorum deos falso suos iactant, ut Herculem. 24. Aegyptiorum Hercules multo antiquior quam Graecorum. 25. Confusa plura Graecorum et Aegyptiorum deorum nomina. Isis inventrix artis medicae. Horum filium, qui ultimus deorum regnavit, in vitam revocavit et immortalitate donavit.