Textus Originalis
114 DIODOR. XIII 74. 75.
νεγμένας αὐτῷ δίκας εὐλαβεῖτο: πολλοὶ γὰρ ϑεωροῦντες αὐτὸν κακῶς φερόμενον ἐπενηνόχεισαν ἐγκλήματα πολλά: μέγιστον δ᾽ ἦν τὸ περὶ τῶν ἵππων, τετιμημένον ταλάντων ὀκτώ. Διομήδους γάρ τινος τῶν φίλων συμπέμψαντος αὐτῷ τέϑριππον εἰς ᾿Ολυμπίαν, ὁ ᾿Αλκιβιάδης κατὰ τὴν ἀπογραφὴν τὴν εἰωϑυῖαν γίνεσϑαι τοὺς ἵππους ἰδίους ἀπεγράψατο, καὶ νικήσαντος τὸ τέϑριππον τήν τ᾽ ἐκ τῆς νίκης δόξαν αὐτὸς ἀπηνέγκατο καὶ τοὺς ἵππους οὐκ ἀπέδωκε τῷ πιστεύσαντι. ταῦτα δὴ πάντα διανοούμενος ἐφοβεῖτο, μήποτε καιρὸν λαβόντες ᾿Αϑηναῖοι τιμωρίαν ἐπιϑῶσι περὶ πάντων ὧν εἰς αὐτοὺς ἐξήμαρτεν: αὐτὸς οὖν αὑτοῦ κατέγνω φυγήν. 75 Προσετέϑη δὲ καὶ συνωρὶς κατὰ τὴν αὐτὴν ὀλυμπιάδα, καὶ παρὰ Λακεδαιμονίοις Πλειστῶναξ ὁ βασιλεὺς ἐτελεύτησεν ἄρξας ἔτη πεντήκοντα, διαδεξάμενος δὲ τὴν ἀρχὴν Παυσανίας ἦρξεν ἔτη τετταρακαίδεκα. οἱ δὲ τὴν ῾Ρόδον νῆσον κατοικοῦντες ... καὶ ᾿Ιηλυσὸν καὶ Λίνδον καὶ Κάμειρον μετῳκίσϑησαν εἰς μίαν πόλιν τὴν νῦν καλουμένην ῾Ρόδον. ῾Ερμοκράτης δ᾽ ὁ Συρακόσιος ἀναλαβὼν τοὺς μετ᾽ αὐτοῦ στρατεύοντας ὥρμησεν ἐκ Σελινοῦντος, καὶ παραγενόμενος πρὸς τὴν ῾Ιμέραν κατεστρατοπέ-
Note a pie di pagina
1 3 τὸ τῶν (supra lin. περὶ τῶν) P
2 ἱππέων PAHf
3 4 τετιμημένον Steph., -μένων O
4 ὀκτώ] πεντήκοντα ALJK
5 5 ὑπογραφὴν O, corr. Schäfer
6 7 ἀπεγράψατο Peiresc. (et Plut. Alc. 12), ὑπεγράψατο O
7 8 νικήσαντας v, νικήσας Steph.; τοῦ τεϑρίππου fort.
8 12 περὶ om. O
9 13 οὖν add. Steph., καὶ αὐτὸς Reiske
10 14 αὐτὴν om. P
11 15 Πλειστῶναξ] πλειστόναξ PA
12 16 πεντήκοντα PAHM, ὀκτώ c
13 17 δεκατέσσαρα v, ιδ P
14 19 ᾿Ιλυσὸν AF¹
15 23 πρὸς PAL, εἰς c