Textus Originalis

I DOCUMENTI INEDITI

scepimus quo propiziante tranquillum nostrum regnum in pace fovetur. et omnes eminus turbines propellentur. In hoc si quidem de affluentia terrenorum que de celesti largitione percepimus in celesti gazofilatio portionem immarcessibilem confidimus collocasse. et ibi divino thesaurizasse permissu ubi nec erugo neque tinea demolitur. Ad illius ergo laudem honorem et gloriam qui servorum suorum iusta desideria prevenit et effectum prosequitur voluntatis: qui dignatus est devotionis nostre primitias de manu nostra suscipere; Monasterium ad ordinem cavensis monasterij et Beati Benedicti regulam informandum non longe a menibus felicis urbis nostre panormi super sanctam Kuriaciam diligenti cura nostra et multa devotione fundatum/ Sancte et gloriose semperque virginis dei genitricis Marie titulo et sacrosancto nomine duximus consignandum. Et quoniam in voto gerimus et incommutabili voluntate prelibatum monasterium muneribus domino largiente copiosis ditare opulentis dotare beneficiis et terris ac possessionibus multipliciter ampliare. desideriis nostris insidet alterius ut quanto deo volente letabitur nostre liberalitatis largitionibus ampliatum tanto excellentioribus dignitatis honoris. et totius liberalitatis privilegiis auctoritate nostra gaudeat perpetuo communitum. Cum enim progenitorum nostrorum Regum sicilie/ recolende memorie/ vestigia imitantes universis ecclesiis in nostro felicissimo Regno positis ampliorem ceteris regnantibus reverentiam exibeamus/ nec eas onere functionum aut improbis exactionibus sustineamus vexari. equissimum est. et omni consentaneum rationi. ut predictum monasterium sumptibus propriis et laboribus. sub ipso principio nostri regiminis edificatum tamquam opus manuum nostrarum plena libertate donemus. et omnem sibi prestemus immunitatem que potest de nostra liberalitate ac munificentia proficisci. Ut sic orationibus liberius invigilent qui tanta libertate fruentur et deum nobis implorent propitium. quorum pectora nulla molestia terhabuntur. In nomine igitur illius ad cuius laudem et gloriam monasterium ipsum est nostra devotione fundatum precipimus ac presenti privilegio nostro perpetuo valituro sanctimus ut