Textus Originalis

I DOCUMENTI INEDITI

In parrochia aglonensi in territorio policorij. ecclesiam Sancti Basilij cum terris. et terrarum consuetudinibus videlicet ut agricole predicte ecclesie. aquam. lingna. (sic) et silvam. rura ad colendum. mare seu flumen ad piscandum. libere et absolute habeant. quam alberada domina illius terre pro anima viri suj Rogerij de pomaria. necnon pro anima omnium suorum consanguineorum. silicet Roberti guiscardi invictissimi ducis. et filii eius domini Boamundi. magni comitis Rogerij. deo et ecclesie Sancte Marie vallis iosaphat dedit. In parrochia tarentina. iuxta civitatem ecclesiam Sancte perpetue cum omnibus pertinentiis suis. videlicet ortum extra murum urbis tarenti. in loco qui dicitur laypoficum. a domina Constantia philippi regis francorum filia. quondam domini Boamundi antioceni principis sponsa. pro salute anime sue suique viri ecclesie vallis iosaphat perpetualiter concessum. et ecclesiam beati michaelis archangeli de casali quod dicitur paternum. cum ecclesia beati philippi apostoli in eodem casali posita. silicet terciam partem de toto casali cum omnibus suis pertinentiis et ut liceret eis hospitari quindecim villanos extraneos in eodem casali. et XLV. pedes olivarum in loco qui dicitur cubusclysca (1). cum magistri fimij vinea. et aliam vineam in territorio Sancti petri imperialis positam. a supradicto domino Boamundo. et a predicta domina constantia ecclesie vallis iosaphat concessam. Et aliam terram cum antro et orto suo. que est ante ecclesiam Sancte perpetue extra muros tarantine urbis. a domina Emma comitissa magni incliti comitis Rogerij siculi filia. pro redemptione anime predicti sui patris. suique coniugis Radulfi machabej. omniumque suorum consanguineorum salute. deo et ecclesie vallis iosaphat largitam. Item barcam unam cum duobus piscatoribus tantum ecclesie vallis iosaphat. et rectoribus suis vice eorum obtinentibus in ecclesia beate perpetue extra tarentum. in parvo mari civitatis. ad sustentamentum predicte ecclesie et fratrum habendam libere